يوميات توته العكروته

البنت توته حفيدتى قعدت عندى يومين اصل والدتها قالت اوزعها على ماما تشيل شويه 00 مش هى اللى كانت عايزانى اخلف علشان تفرح بخلفتى 00وعنها وقعدت انا وتوته احاول اخليها تنام 00 ابدا وانا خلاص قاعدة باسقط مش عارفه انام ولا عارقه اقعد ولقيتها جايه بتقولى 00 تيته نلعب احنا الاثنين وبما ان مفردات القاموس بتاعها لسة لم احفظه قلت 00 بتقول ايه 00 عادت الكلمة حتى فهمت هى عايزه ايه اقعدى جنبى هنا على الارض 00 واه من قاعدة الارض وقعد الاعبها فجأة طقت فى دماغها 00 تيته قومى نرقص احنا الاثنين وطبعاً يا اخواتى جه على ذهنى منظر مارى منيب فى الفيلم اياه لما فؤاد المهندس عمل نفسه مجنون وقعد يقولها ارقصى ارقصى 00 وهى عماله تبرطم وتقول يا اخواتى اللى ما عملتها وانا صغيره 00 - المهم يابنتى اعقلى اكبرى ما فيش فايده 00 وبعدين طق تانى فى دماغها 00 تيتيه اكرى ورايا 00 يالهوى - تيته انتى بتقولى يالهوى عيب - وعنها ياخواتى انا كنت حا اقع من طولى وكله كوم ولما بدأت تقلد طرزان كوم وتتنطط فوق كتفى وراسى واه يانى 00 وبصراحه ما حا اصدق ان امها تيجى تاخدها علشان ارقد لى شهر كده بعد ما لعبتنى كل الالعاب الممكنة وغير الممكنى